Morgan ufierta’l primer conciertu de la temporada nel Teatru Palacio Valdés

Morgan va tocar esti sábadu a les 20,30 hores nel Teatru Palacio Valdés tres l’ésitu del pasáu 14 d’ochobre de Buddy Whittington & Santiago Campillo Band qu’axuntó a 220 persones. Les entraes tán disponibles al preciu de 12 euros antemanaes y 15 euros el día del conciertu.

El ciclu musical “Arte Sonoro” sigue la so programación col conciertu d’una de les bandes españoles con mayor proyección y más ésitu ente la crítica.

Morgan ye xuna agrupación madrilana creada en 2012 por Carolina de Juan, ‘Nina’, Paco López y Ekain Elorza coles mires de montar dellos cantares pa tocar xuntos. Dempués de trabayar un par d’años coles idees que teníen, integraron a Alejandro Oveyeru pa empezar a grabalos y mientres el procesu conocieron a David  Schulthess, quien tamién entró a formar parte de la banda. Asina surde en 2016 el so primer álbum, North, editáu por José Nortes, col que lleven xirando dende entós. La voz de Nina, quien tamién s’encarga de conocer los cantares, cautivó al cantautor Quique González que-y pidió el so collaboración pa grabar una tema pal so últimu discu, “Charo” y dempués convidar a participar na so xira. Esta asociación ayudó a la banda a asitiase como grupo revelación nel panorama musical español.

Cantares esencialmente n’inglés, cenciellos, ensin abusar de les nueves tecnoloxíes y apostando pol soníu más tradicional.  Los sos cantares pueden rellacionase col pop, el soul, el rock clásicu y el funk, magar cada componente del grupu añede les sos propies influencies musicales a les temes lo que dio llugar a cantares únicos y contundentes capaces de combinar soníos que recuerden dende AC/DC a Norah Jones pasando por Gun & Roses y Florence and The Machine.

Morgan llega a Avilés dientro de la recta final de la so xira que los llevó poles sales de too el país y que va rematar a finales d’añu en Madrid con un conciertu pal que yá s’escosaron les entraes.