ConceyosEducación Mocedá presenta en Xixón nueva edición del programa de formación ‘Lo que me faltaba’ by redacción asturnews 14 de febreru, 2023 written by redacción asturnews 14 de febreru, 2023 3,6K El Conceyu de Xixón, al traviés de la Oficina de Mocedá, pon en marcha una nueva edición del programa añal de formación !Lo que me faltaba! Recursos y ferramientes para’l trabayu con adolescentes. Tratase d’una serie de talleres monográficos y prácticos para completar les competencies de profesionales, preferentemente d’ente 16 y 35 años, que trabayen o vaigan trabayar con mocedá y adolescentes. Les formaciones van desenvolvese nuna o delles sesiones nel Espaciu Nuevu de l’Antigua Escuela de Comerciu n’horariu de tarde o fines de selmana col siguiente programa: Febreru: ¿Cómo facturar? Asesoría y xestión p’artistes. 22 y 23 de febreru, de 16 a 19 hores. Impartíu por El Taller Animación Sociocultural y Audico Asesores. Marzu: Cuntar tamién dende otres miraes. 17 y 18 de marzu, vienres de 16 a 20 y sábadu de 10 a 14 hores. Impartíu pola narradora Paula Carballeira. Abril: -Texendo un pensamientu sostenible. 12 y 13 d’abril, de 16 a 20 hores. Impartíu por Koopera -Les estratexes antirrumores nel ámbitu municipal. 18, 19 y 20 d’abril, de 16 a 19 hores. Impartíu por Federación Andalucía Acueye. Mayu: -Taller de llinguaxe non sexista. 10, 11 y 12 de mayu, de 16 a 19 hores. Impartíu por Melania Fraga -Profesionales de la educación y l’innovación incremental. Del 22 al 25 de mayu, de 16 a 19 hores. Impartíu por Arkuos. Xunu: Prevención de les tecnoadicciones en moces y adolescentes. 6, 7 y 8 de xunu, de 16 a 19 hores. Impartíu por Fundación Adsis Setiembre: Encetando la pubertá na xeneración Z: claves pa profesionales. 18 y 20 de setiembre, de 16 a 19 hores. Impartíu por SOISEX Ochobre: El bordáu como ferramienta d’espresión. 24, 25 y 26 d’ochobre, de 16 a 19 hores. Impartíu por Aurora Menéndez (Arorua) Payares: Taller prácticu d’Economía circular. 6 de payares, de 16 a 20 hores. Impartíu por Paula Baldó (Envirall) La conceyala d’Educación, Natalia González, participó na presentación del programa, que tuvo llugar la selmana pasada nel Salón de Recepciones, y destacó la importancia y l’ésitu d’esta iniciativa por que’l trabayu con mozos sía lo más eficaz posible y conecte cola etapa de mocedá. La inscripción ye gratuita pa les 14 places que tán disponibles como norma xeneral por cursu, y va tar abierta dende dos selmanes antes del entamu de cada unu de los talleres na plataforma municipal d’actividaes. destacaoMocedáXixón 0 FacebookTwitterPinterestEmail Anterior L’únicu tributu a Gaby, Fofó y Miliki va ser la novedá del Antroxu d’Uviéu siguiente Avilés entama un programa pa Formación Profesional con actividaes d’acción comuñal Tamién te podria gustar Asturnews va tornar tres del branu con nuevu... Iniciativa pol Asturianu y Barbón desixen a Adif... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes Barry B pieslla’l cartelu del Festival VESU San Xuan celebrase en toa Asturies con Xixón... Blanca Fernández foi la pregonera de la XXVII... L’ALLA abre’l plazu pa los cursos de la...