“Minus One”, un espectáculu de danza de Les Grands Ballets Canadiens llega al Xovellanos

El Teatru Xovellanos de Xixón va acoyer esti vienres 8 de febreru l’espectáculu de danza contemporanea “Minus One”, con pieces orixinales del baillarín y coreógrafu israelí Ohad Naharin. La compañía encargada de da-yos vida nes tables ye Les Grands Ballets Canadiens, una de les formaciones con más solera del panorama intenacional que cunta con una trayectoria de cásique cincuenta años enriba los escenarios y la dirección del gran maestru Gradimir Pankov.