Portada Conceyos María Estrada-Nora Bustillo gana’l II Concursu de cartelos Primer ODS

María Estrada-Nora Bustillo gana’l II Concursu de cartelos Primer ODS

by redacción asturnews

L’artista avilesina María Estrada-Nora Bustillo resultó ganadora del II Concursu de cartelos Primer Oxetivu de Desenvolvimientu Sostenible: Poner fin a la probeza”, convocáu pola Asociación Paz y Solidaridá, entidá venceyada a Comisiones Obreres d’Asturies que tien como oxetivu la sensibilización social, sobremanera ente los más nuevos, de la necesidá de facer frente a retos como la llucha contra la probeza en tolos sos ámbitos.

El Muséu de la Hestoria Urbana d’Avilés (MHUA), que collaboró na organización d’esti certame, acoyó esti martes pasáu  l’actu d’entrega del premiu al trabayu ganador. Como autora del mesmu, María Estrada-Nora va recibir 500 €, y la so obra va ser el soporte anunciador de les actividaes que l’Asociación Paz y Solidaridá lleve a cabu nel ámbitu de la llucha contra la probeza.

Nel actu tuvieron presentes la conceyala de Cultura, Yolanda Alonso, la presidenta de l’Asociación Paz y Solidaridá, Ana María García, quien emponderó la confección y mensaxe del cartelu. En representación de la Unión Comarcal de Comisiones Obreres n’Avilés allegó’l so secretariu xeneral, José Manuel Rodríguez Baltar y Evelia Muñiz, secretaria de Política Social.

Tamién te podria gustar