El gaiteru Celso Díaz ufre un conciertu en La Pola

El prestixosu gaiteru asturianu Celso Díaz va presentar “D2”, el so primer discu en solitariu. La cita, va ser esti sábadu 17 d’avientu, a les 20 hores, nel Teatru Auditoriu de la Pola Siero.

Nel añu 2013 surdía la idega del proyectu D2, del gaiteru Celso Díaz. La idea surde de la necesidá de dexar afiguráu’l trabayu d’años d’esperiencia en múltiples festivales (nacionales ya internacionales), nel ámbitu docente en distintes escueles de música (impartiendo l’asignatura de gaita), na dirección de bandes de gaites y na so faceta como compositor y arreglista, dándo-y un soplíu d’aire fresco y renovador a la música oral y de gaita del sieglu XXI.

Y yá cola so formación actual (Sonia Díaz, Galen Fraser, Alberto Ablanedo, Daniel Jiménez, Ramón G. Morán, Israel Sánchez y él mesmu), participó en numberosos Festivales nacionales ya internacionales (Folk in Grau, Candamu al Son, Campeonatu del mundu de Triatlon n’Avilés, Festival Intercélticu d’Avilés, Festival intercélticu de Laussanne  en Suiza, Festival del Arcu Atlánticu en Xixón……)

Pa la grabación de “D2” arrodiase d’una potente banda de músicos de prestíu (los hermanos Eva y José Manuel Texedor, el Che de Cabaños, los vascos Iñaki Plaza y Kepa Calvo, Rubén Bada, Alberto Ablanedo, Pepín de Muñalén, David Caxellos, Ramón Morán, Juanjo Díaz…). Lidera la so propia banda de folk “Celso Díaz Band”, faciendo un dinámicu y potente espectáculu en cada unu de los sos conciertos.