Maika Makovski llega con rock a la Fnac esti vienres

La cantante y guitarrista de rock d’orixen macedoniu Maika Makovski va actuar esti vienres (19:00 hores) nel escenariu del Fórum cultural que la tienda Fnac tien nel centru comercial Parque Principáu de Siero. El conciertu, que va sirvir pa que l’artista presente’l so nuevu trabayu discográficu nel que vuelve a amosar la meyor tradición del rock and roll con soníos averaos a la musica tradicional americana. Tres del conciertu na Fnac, en formatu acústicu, Makovski va actuar na so versión ellectrica en La Calleja de la Ciega d’Uvieu una hora dempues.

Maika Makovski, afincada en Cataluña y fía del multi-instrumentista y compositor macedoniu Vangel Makovski, entamó a actuar a la edá de 14 años, faciendo pequeñas collaboraciones nos conciertos del so padre y a los 15 algamó’l segundu premiu nel festival de Palma. Dende esos díes vien puliendu un estilu nel que la guitarra, bien acústica bien ellectrica, ye’l exe central sobre’l que xiren unes composiciones que la crítica califica como una mestura de los sonós de xente como Joni Mitchel, los Stooges y Hole.