Maika Makovski aporta a Avilés pa presentar el so discu “Chinook Wind”

Maika Makovski va actuar esti próximu sábadu 28 de xineru nel Teatru Palacio Valdés presentando’l so últimu discu “Chinook Wind”, el sestu llanzamientu d’una carrera acandilante que-y fixo ganar un llugar na escena rock.

Pa esta xira, l’artista mallorquina-macedonia dio un xiru total a la so puesta n’escena, dexando a un llau los distintos formatos nos que se presentara hasta agora. Un formatu pal qu’afixo gran parte del so repertoriu y que en directu nun dexa indiferente a naide.

L’actriz, cantante y compositora va llegar a les tables avilesines acompañada pol reputáu Brossa Quartet de Corda barcelonés, compuestu por dos violinos, viola y chelo. Pep Mula (batería) y Pau Valls (trompa) completen la banda qu’envolubra a la mesma Maika, quien alterna guitarres acústiques y eléctriques.

Pa “Chinook Wind”, Maika Makovski cuntó col productor John Parish (Yeovil, Reinu Uníu, 1959), mano derecha de PJ Harvey en dalgunos de los sos meyores discos, y responsable tamién del soníu del tercer discu de l’artista, l’homónimu “Maika Makovski” (2010).

El nuevu álbum ye una selección de diez canciones que Makovski (de madre andaluza y padre macedoniu) compunxo en tornando d’un viaxe a Macedonia, nel qu’esquizó a xeitu nunos raigaños directos qu’hasta entós namái conocía na distancia.