Macaco denuncia que’l PP catalán usa sos cantares nos mítines

Con delles exclamaciones, el cantante Daniel Carbonell, Macaco, denunció al traviés de les redes sociales l’usu illegal” d’unu de los sos cantares nun mitin del PP catalán. “Fiérveme el sangre!!!”, escribió en Twitter y Facebook, en pescudando que la formación conservadora utilizó’l domingu la sintonía de Vamos Siguir: “Un cantar que fize pa la llucha del cáncer infantil”. 

El barcelonés acusó a los dirixentes populares de “lladrones” diciendo que “el PP utiliza la mio música illegalmente nos sos mítines. Y la Llei nun nos ampara. Y ye murniu, bien murniu. Nun son los únicos. Otros partíos tamién lu han fechu colos mios cantares, ensin permisu dalgunu. Fartu, indignando…”. Facía referencia a un mitin protagonizáu’l domingu pol presidente del Gobiernu, Mariano Rajoy, y el candidatu a la Generalitat, Xavier García Albiol. Una cita celebrada en Badalona (Barcelona), onde esti postreru foi alcalde,

El PP yá tuvo enfrentamientos con otru artista demientres la campaña de les elecciones xenerales de 2008. Foi entós Manu Chao‘l que denunció a los populares por incluyir la so tema “La trampa” nun vídeu en dellos mítines celebraos n’Asturies.