Los vixilantes de seguridá de San Mateo reciben un cursu intensivu pa la prevención/detención y atención primaria en casos d’acoso, abusu o violencia sexual o de xéneru.

Los conceyales de Seguridá Ciudadana, José Ramón Prau y de Polítiques Sociales, Leticia González, averáronse esta selmana a saludar a los trabayadores de la empresa encargada de la seguridá mientres les próximes fiestes de San Mateo y conocer los pormenores d’una xornada formativa, novedá na programación festiva.

Los 28 vixilantes de seguridá tán asistiendo esta selmana a un cursu de formación intensiva, de cinco hores de duración, pa la prevención/detención y atención primaria en casos d’acoso, abusu o violencia sexual o de xéneru.

Leticia González valoró bien positivamente’l conteníu del cursu y treslladó la importancia de la coordinación  a la d’atender y faer frente a los posibles casos de cualquier tipu de violencia contra les muyeres.

José Ramón Prau pela so parte destacó la importancia que dende la área de Seguridá Ciudadana dáse-y a la prevención de les conductes d’acoso, abusu y violencia sexual o de xéneru.