Los Reis Magos tendrán 300 figurantes na Cabalgata d’Avilés

Los Reis Magos van Llegar al Puertu Deportivu d’Avilés esti martes a les 18 hores nuna embarcación preparada pala mala traza de la mar previstu y na cabalgata van cuntar con 300 figurantes.

Melchor, Gaspar y Baltasar van allegar esti martes a Avilés en barcu y, de siguío, van desfilar colos sos respectivos séquitos -formaos por 300 persones, cien más que l’añu pasáu- poles cais de la ciudá. Nesta ocasión, y por cuenta de la previsión de mala traza de la mar, los Reis Magos d’Oriente van llegar a bordu d’una moderna embarcación dotada d’amplies midíes de seguridá pa garantizar el so atraque con toles garantíes.

El desembarcu ta previstu pa les 18 hores nos pantalanes del Puertu Deportivu d’Avilés, al altor de la escultura “Avilés”, onde van ser recibíos pola concejala de Festexos, Ana Hevia.Dende’l puertu van treslladase acompañaos pola Policía Local al Colexu Públicu “El Quirinal”, onde se van xunir a los sos respectivos séquitos y van desfilar poles cais d’Avilés a partir de les 18:30 hores.

Los artistes Pepe Espiña, Esther Cuesta y Gonzalo de la Cera fueron los encargaos, de nuevu, de los trés xarrés nes que se van mover les sos Maxestaes Los Reis Magos.

La cabalgata va cruciar la cai Fernando Morán y va siguir poles cais Juan XXIII, Plaza del Vaticanu, Oreja Sierra y José Cueto. Va Travesar la plaza de La Mercé, la cai y plaza de Pedro Menéndez, pa siguir por La Muralla, xubir La Cámara y rematar na plaza d’España.