Los opositores de secundaria n’Asturies son 8000 pa 418 places

Van ser 8.000 los docentes qu’opten a les 418 places convocaes pola Conseyería d’Educación nes 30 especialidaes de Secundaria y Formación Profesional de les oposiciones d’esti próximu mes de xunu, sigún se supo ayeri, día nel que se fizo anuncia de que los criterios de valoración conoceranse’l 14 de xunu.

Estos datos diolos a conocer ayeri’l titular del departamentu, Genaro Alonso, nel Plenu de la Xunta Xeneral del Principáu a entrugues de Ciudadanos. Tamién dixo que los 81 tribunales van tener que constituyise antes del 9 de xunu y que los criterios de valoración van faese públicos el 14 de xunu, seis díes primero que tenga llugar la primer prueba, afitada pal día 20. Según esplicó, yá tuvo delles xuntes con el presidentes de los tribunales númberu 1 de cada especialidá y güei volverán axuntase pa da-yos instrucciones per escritu «n’ares de mayores garantíes».