Los cines recibieron un 9% más d’espectadores nel primer semestre del añu

Los cines españoles rexuntaron nes sos sales a 44 millones de persones mientres los primeros seis meses del añu, lo que supon un aumentu del nueve per cientu respectu al primer semestre de 2015, según los datos que comScore colgó esta selmana pasada en Twitter.

Según estes cifres,  los cines españoles recaldaron un total de 273 millones d’euros mientres el primer semestre de 2016, un ocho per cientu más al respective de los datos llograos na primer parte de 2015. Tocantes a la cuota de pantalla del cine español, los datos llograos reflexen un 17 per cientu, un aumentu de siete puntos respecto al porcentaxe del mesmu periodu de 2015, anque llueñe del 21 per cientu rexistráu nos primeros seis meses de 2014, una cifra impulsada pol ésitu d’Ocho apellido vascos.

Sicasí, en comparanza cola cuota de too 2015 (19%), el porcentaxe baxa en dos puntos. Nesti sentíu, el presidente de FAPAE, Ramon Colom, señaló qu’entá falten dellos estrenos previstos a partir de setiembre y que, tal que señaló, van ameyorar estos datos, na so opinión arrogantes”. Colom apunta qu’esiste cierta obsesión” colos datos y recuerda que “a día de güei les películes que s’estrenen xeneráronse en plena crisis”, polo que cree qu’hai que ser “flexibles” a la de xulgar les cifres llograes que, per otru llau, considera “bien bones”, cuidao que ameyoren les del mesmu periodu del pasáu añu.