Lo nuevo de Blondie aporta’l 5 de Mayu

Blondie anunció la semana pasada al traviés de la so discográfica la publicación a partir del 5 de mayu d’un nuevu álbum llamáu “Pollinator” que va ser “una perspectiva moderna del soníu clásicu y vintage” d’esta banda hestórica estadounidense.

“Ye un festival de soníu y color musical; los sos 11 cantares representen la continuación d’una hestoria musical de más de 40 años”, señala BMG nel so comunicáu sobre la torna del grupu conformáu por Debbie Harry, Chris Stein, Clem Burke, Matt Katz-Bohen, Leigh Foxx y Tommy Kessler.