Les Pandereteres de Nerbia actúen nos xueves musicales de Tierra Astur

Les Pandereteres de Nerbia actúen esti xueves 26 pela nueche dientro’l ciclu d’actuaciones musicales de Tierra Astur de Cualloto. El coru de cantadores y percusionistes va interpretar un repertoriu nel qu’elles mesmes trabayen al través de los sos llabores de campu y recopilación orales.

El grupu qu’esta nueche actúa en Tierra Astur nació na seronda de 2004 como grupu de música tradicional y agora interpreten básicamente temes acompañaos con pandereta. Nerbia ta compuesu por cinco cantadores: Silvia Quesada, Laura Fernández, Verónica Fernández, Cristina González y Lorena Rodríguez.