Naciu i Riguilón publica un llibru de poemes y dos trabayos de recopilación oral

L’escritor occidental Naciu i Riguilón acaba de publicar “Queixas ya conxuros”, un conxuntu de poemes, munchos d’ellos ya asoleyaos nos años ochenta y que recuperen la voz personal d’un autor fiel a la so tierra y al so propiu patrimoniu sentimental. L’autor xunta a la edición del poemariu dos trabayos de recuperación de la memoria oral.

El cedé-llibru “Rosabra” ye’l primer volume d’una colección sobre cuentos de la tradición popular fechu con grabaciones de campu del escritor cangués. L’otru volume etnográficu ye “Los aguinaldos nel suroccidente d’Asturies”, entrambes obres publicaes pola editorial CH.

Naciu i Riguilón fue un de los fundadores del grupu d’escritores en dialectu occidental nomáu Pesicia y miembru del Conceyu d’Asturies de Madrid. El so nuevu llibru de poemes “Queixas ya conxurus” (Trabe, 2006) remanez a esti autor pa l’actualidá después de que’l músicu y cantante Pedro Pereira compunxera dellos cantares sobre poemes de Naciu i Riguilón.