Les fiestes de San Mateo d’Uviéu van cuntar con un Plan de Autoprotección

La Sociedá Uvieina de Festexos (SOF) va contratar la ellaboración d’un Plan de Autoprotección pa les próximes fiestes de San Mateo. Va Ser la primer vegada que s’ellabore dichu plan, magar que ye obligatoriu según Real Decreto llei de 23 de marzu de 2007. El dispositivu va tomar les zones del Uviéu antiguu y el parque San Francisco mientres tolos díes de San Mateo con especial atención a la celebración del Día d’América n’Asturies.

Esta decisión foi adoptada pola SOF en calteniendo una xunta esta selmana’l so presidente, Roberto Sánchez Ramos, colos máximos responsables de la área de Seguridá Ciudadana del Conceyu d’Uviéu. Una vegada ellaboráu y aprobáu, el documentu va integrar nel Plan Municipal d’Emerxencies. Al marxe del mesmu, la área de Seguridá Ciudadana va caltener les oportunes y habituales xuntes de coordinación con otres Fuerces y Cuerpos de Seguridá del Estáu coles mires de garantizar el normal desenvolvimientu de les fiestes mateínas.