Laura González promete trabayar pa recuperar el patrimoniu industrial de la rexón

La candidata d’IX-BA-LV al congresu de los diputados, Laura González, apuesta pola revitalización y conservación del patimoniu industrial de la rexón. Asina lo fizo saber a los medios, nun actu nel que la candidata de la coalición d’izquierdes quiso cellebrar precisamente nel Pozu mineru Santa Bárbara de Turón. González quiso recordar la llabor que fizo Gaspar Llamazares, dende la so posición de diputáu, pola recuperación del patrimoniu industrial asturianu. Esta midía afecta directamente al valle de Turón con una inversión d’un millón d’euros a distrubuir en tres años.

“Ye un millón d’euros que va favorecer qu’esti patrimoniu industrial nun siga cayendo y que Turón tenga una revitalización que lleva esperan munchísimos años”. Laura González recordó tamien que si finalmente IU-BA-Verdes ta nel congresu de los diputaos, va procurar qu’eses inversiones en patrimoniu sían mayores. Tres l’alcuentru cola prensa, la candidata aconceyó con dellos representantes de los colectivos sociales de la comarca.