La Xunta Xeneral del Principáu aprueba caltener la FP básica en Cangas

El Plenu de la Xunta Xeneral del Principáu aprobó esti llunes una iniciativa impulsada pol Partíu Popular na que s’encamienta al Gobiernu rexonal a caltener la Formación Profesional Básica en Cangas. La propuesta salió alantre colos ventinueve votos de toles agrupaciones, salvu’l PSOE, qu’emitió trelce en contra.

La diputada del PP Gloria García foi la encargada de defender esta propuesta, na qu’aseguró que «la FP básica en Cangas, rellacionada col motor, corrió y cuerre seriu peligru énte la falta de sofitu de la conseyería». Amás, señaló que la Escuela Llar podría utilizase como un centru de referencia nel suroccidente «enllantando ciclos rellacionaos con hotelería, turismu, comerciu, agroganadería o sanidá».

Sicasí, el so planteamientu foi refugáu polos socialistes, yá que «centralizar la FP en Cangas traería consigo’l zarru d’otros centros como’l de Tinéu», dixo la diputada del PSOE, Elsa Pérez, quien quixo matizar que la FP en Cangas «nun se suprime», sorrayando que nesti cursu «el conseyeru cumplió la so palabra y abrió la matrícula».