Natanael Ramos Islander’s dilemma trai ‘Jazz nel Centru’ de Xixón

Esti miércoles 14 de payares a les 20.00 hores nel salón d’actos del Centru de Cultura Antiguu Institutu de Xixón, vuelve el Jazz nel Centru col grupu Natanael Ramos Islander’s dilemma, que tien al trompetista canariu como referente.

Natanael Ramos (La Orotava, Isla Canaries, 1988) ye llicenciáu en trompeta jazz por Musikene (País Vascu) y máster en música jazz pol Conservatorio de Ámsterdam. Formóse con maestros de la talla de Chris Kase, Ruud Breuls, Pericu Sambeat, Bob Sands, Wynton Marsalis, Avisahi Cohen, Terence Blanchard o Jerry Bergonzi, ente munchos otros. Foi miembru de la Orquesta Caracas Latin Brothers y de MG Son Iyá. Como arreglista destaca’l so trabayu para North Atlantic Jazz Connection, Big Band de Canaries, Gran Canaria Big Band, Reunion Big Band, Musikene Big Band o Sedajazz Latin Ensemble. Islander’s dilemma ye’l títulu del so últimu trabayu como solista.

Centru de Cultura Antiguu Institutu. Salón d’actos. Miércoles 14 de payares a les 20.00 hores

• Natanael Ramos,trompeta
• Virxilio da Silva, guitarra
• Xan Campos, teclaos
• Matt Adomeit, contrabaxu
• Mark Schilders, batería