Cinco agrupaciones d’Asturies, Galicia y Cataluña compiten nel XXXV Certame Coral Villa d’Avilés

El sábadu 24 y el domingu 25 de payares nel auditoriu de la Casa de Cultura d’Avilés va celebrase la segunda edición del Festival Coral Infantil nel que van competir cuatro coros complentando’l programa coles cinco agrupaciones d’Asturies, Galicia y Cataluña que compiten nel XXXV Certame Coral Villa d’Avilés.

El Certame Coral Villa d’Avilés ye unu de los acontecimientos culturales con mayor tradición na ciudá. Entamáu pola Asociación Coral Avilesina gracies a la collaboración de la conceyalía de Cultura d’Avilés, nesti 2018 algama’l so XXXV edición. Tamién se vuelve a celebrar anguaño’l Festival Coral Infantil, na so segunda edición. Van Tener llugar el sábadu 24 de payares, a les 19 hores, y el domingu 25, a les 12 hores, nel auditoriu de la Casa de Cultura d’Avilés.

Nel XXXV Certame Coral Villa d’Avilés participen cinco agrupaciones llegaes de distintos partes d’España:

Cor Tessália, de Barcelona Grupu Vocal
Entrelas, d’A Coruña
Amicorum Musicae, d’Uviéu Schola
Cantorum Virxe del Carbayu, de La Felguera
Coral Jove del Conservatorio de Sant Cugat, de Sant Cugat del Samartín de Vallés.

Van Actuar el sábadu 24 de payares a partir de les 19 hores.

Nel II Festival Coral Infantil son cuatro los coros conformaos por neñes y neños los participantes, nesti casu, llegaos d’Asturies y Cantabria. Son:

Coru Infantil Los Neninos de la Coral Avilesina Coru Mini
Winnie de la Escuela de Música Divertimento, d’Uviéu Coru Kinder,
de Cantabria Coru Voces
Blanques del Conservatorio Profesional de Música y Danza de Xixón

Van Actuar el domingu 25 de payares, a les 12 hores.

El certame foi presentáu la selmana pasada por Yolanda Alonso, conceyala de Cultura d’Avilés, quien destacó l’esfuerzu conxuntu realizáu col fin de caltener vivu un acontecimientu con tantu enraigono na ciudá. Al pie de ella, Fernando Álvarez Balbuena, presidente de l’Asociación Coral Avilesina; Carlos Blanco García, vicepresidente; María Álvarez Coto, secretaria; Fernando Tovar Portes, tesoreru, y los vocales Alexis Fernández Llazu y Rosa Rodríguez Sánchez.

Les entraes podrán adquirise na taquilla de la Casa de Cultura’l mesmu día de les actuaciones: el sábadu dende les 17 hores y el domingu a les 10.30 hores. El preciu ye de 5 euros para cada unu de los dos díes. Nel casu de los socios de l’Asociación Coral Avilesina ye de 3 euros per persona y día.

Caúna de les agrupaciones non profesionales que participa nel certame va interpretar cuatro temes, dos de repertoriu llibre, unu de temática asturiana y una obra sacra. El ganador del concursu va dase a conocer el domingu, tres la finalización de les actuaciones infantiles. El certame parte d’un total de 3.200 euros en premios, nes siguientes categoríes:

Primer Premiu “Excelentísimo Conceyu d’Avilés”: 2.000 euros y troféu.
Segundu Premio “Asociación Coral Avilesina”: 1.000 euros y troféu.
Tercer Premio “Asociación Coral Avilesina”: 750 euros y troféu.
Premiu Especial del Públicu “Gonzalo Casielles”: 250 euros.
Troféu Axuntábense, a la meyor interpretación d’obra de tema asturiana: 200 euros.

El xuráu ta integráu por Xavier Sarasola Lasa, Aloia Martínez Molina, José Esteban García Miranda, Jesús Gavito Feliz y Rubén García Martín.

 Más información