Portada Uncategorized La XDLA presenta un informe sobro los inclumplimientos toponímicos na rede de ferrocarriles

La XDLA presenta un informe sobro los inclumplimientos toponímicos na rede de ferrocarriles

by redacción asturnews
Portada del Informe de la Xunta Pola sobro la toponimia de la rede ferrocarriles

Esti día, la Xunta pola Defensa de la Llingua (XDLA) vieno acabante presentar un informe sobro los inclumplimientos toponímicos na rede de ferrocarriles qu’acaben d’univar a ADIF y RENFE pa que se puea iguar darréu esta flagrante “vulneración de la llegalidá”.

Nel informe, la XDLA analiza tolos nomes de toles estaciones de tren d’Asturies comparando’l so nome oficial col que se ta usando anguaño. Sigún se desplica na anuncia que ficiere la Xunta na so web esti día, “ADIF, RENFE y CTA tovía nun actualizaron topónimos que lleven, dalgunos, más de 15 años cola forma tradicional aprobada nel BOPA. Con esti informe queremos que se ponga puntu final a una situación inaceptable que nun pue allargase más nel tiempu”.

L’informe unvióse a les dos empreses estatales (ADIF y RENFE), amás d’a responsables de la Conseyería de Cultura, Política Llingüística y Turismu, la Viceconseyería d’Infraestrcutures, Movilidá y Territoriu y el CTA. El cumplimientu de la toponimia oficial nel tresporte ferroviariu n’Asturies, amás d’iguar la vulneración de la llegalidá, diba ser mui positivu nel ámbitu de la normalización llingüística. Muncha xente va empezar a sentir y ver los topónimos oficiales y avezase a usalos.

Adxuntamos equí dellos enllaces pa ver o descargar l’informe, qu’ufre na so web la XDLA:

Tamién te podria gustar