Portada Educación La Universidá pide centrar el financiamientu extra por oxetivos en grupos d’investigación

La Universidá pide centrar el financiamientu extra por oxetivos en grupos d’investigación

by redacción asturnews
Foto: José Antonio Carretero (https://www.flickr.com/photos/jose1969/)

La Universidá d’Uviéu vieno acabante pidir al Principáu que se centre’l financiamientu extra por oxetivos en grupos d’investigación y nel tresformamientu dixital, nel aconceyamientu que caltuvieron esti dia’l rector, Ignacio Villaverde, y el Conseyeru de Ciencia, Borja Sánchez.

El conseyeru de Ciencia, Borja Sánchez, y el rector de la Universidá d’Uviéu, Ignacio Villaverde, caltuvieron esta selmana la so segunda xunta dientro de los alcuentros mensuales qu’alcordaron tener. Nesta ocasión, empezaron a encetar el contratu-programa, el financiamientu del Principáu a la institución académica y que tien, nun 70 per cientu, una parte fixa (la que pasa añalmente’l Gobiernu rexonal) y otra variable, que ye la que centró güei la conversación ente dambos. Son fondos destinaos al cumplimientu d’oxetivos y el nuevu equipu rectoral quier da-y un nuevu enfoque.

D’equí p’arriba, van ser los grupos de trabayu los qu’entren al detalle y midan los oxetivos. Ensin valoración económica hasta’l momentu, la idea ye poder tenelo cerrao en septiembre, primero que los grupos parlamentarios empecipien les conversaciones pal presupuestu rexonal.

El conseyeru ta en llínea cola propuesta. “Siempres dixi que la Universidá tien de tar nel centru del tresformamientu dixital y ecolóxico d’Asturies, que ye la nuesa fábrica de conocencia· y, n’analizando los oxetivos y la distribución, va ver si ye posible xuna xubida del financiamientu tresañal.

Per otra parte, el rector confirmó que mayu pagaranse los atrasos a los y les investigadores predoctorales. Analizaron 150 espedientes y a una parte d’ellos va faése-yos l’ingresu en mayu y a los de la beques Severu Ochoa, en xunu.

Tamién te podria gustar