Portada Tecnoloxía La Universidá d’Uviéu recueye teléfonos móviles pa unvialos a países del tercer mundu

La Universidá d’Uviéu recueye teléfonos móviles pa unvialos a países del tercer mundu

by asturnet

Pola mor de la concesión del Premiu Príncipe d’Asturies d’Investigación Científica y Técnica a Martin Cooper, inventor del primer teléfonu móvil en 1973, la Universidá d’Uviéu va entamar una recoyida masiva de teléfonos móviles (col so cargador y too ello nuna bolsa de plásticu) en cada Centru y nel Edificiu Hestóricu de la Universidá hasta’l 20 d’ochobre.

Los teléfonos van ser mostraos nuna gran urna pa, darréu, mandalos a países del tercer mundu onde los teléfonos móviles son mui escasos.

Cada persona qu’entregue unu o más teléfonos podrá, si lo desea, dexar constancia del so nome, yá que toles persones van ser reconocíes nun actu oficial que tendrá llugar el día 22 d’ochobre a les 18 hores nel Patiu del Edificiu Hestóricu de la Universidá.

Tamién te podria gustar