La selmana que vien entamen los cursos ALLA d’alfabetización p’adultos nos Conceyos de Carreño y Gozón

Los Cursos tienen l’enfotu cimeru de facer llegar a los nuestros Conceyos de Carreño y Gozón, pa toos/es aquellos/es interesaos/es, l’ameyoramientu y perfeccionamientu de la llingua. Estos cursos tienen un llargor de 36 hores caún y el material entregáranlo los profesores el primer día de clase. Esti tien un coste de 30 € y nél inxértense los llibros que vienen darreú:

* “Xeitu” ye’l primer manual de llingua asturiana empobináu dafechu pa l’alfabetización d’adultos. Recueye non solo gramática y exercicios sobre la llingua, sinón tamién testos d’estremáu calter (lliterarios, rellacionaos cola llingua na cai, cola cultura tradicional…) que s’axusten a les demandes del alumnáu de los cursos d’asturianu p’adultos.

* un exemplar de les “Normes Ortográfiques”

* y otru de la “Gramática de la Llingua Asturiana”.

Cada alumnu/a recibirá un certificáu d’asistencia. Si dalgún alumnu/a yá contare col material, los llibros van poder cambiase por otros. Si dalguna persona más tuviere interesada nestos cursos, entá pue apuntase o recibir más información nestes señes: visitando la nuestra páxina web www.faronorte.org o pue ponese en contactu col Serviciu de Normalización llingüística de la Mancomunidá d’El Cabu Peñes nos tfnos: 985872406 y 985883050. Tamién a los correos: llingua@mcabop.com y clasesdavid@hotmail.com.

Los Cursos ALLA d’alfabetización p’adultos nivel I y II 2010 pa la MANCOMUNIDÁ D’EL CABU PEÑES que se tan ufriendo son los que vienen darréu:

LLINGUA I: martes y xueves en Candás nel Centru Polivalente “La Baragaña”, C/Bernardo Alfageme 4, 33430, Candás – Carreño. Tfnu. 985872406.

LLINGUA II: miércoles y vienres en Lluanco. Casa La Escribana C/ Suárez Inclán, 5, 33440 Lluanco – Gozón, Asturies. Tfnu.985882022 HORARIU: de 18:00 a 20:00 ENTAMEN: pal 15 setiembre (miércoles en La Escribana).