La Ruta de los Vinos acueye les I Xornaes de Faba IGP

Diez restoranes de la Ruta de los Vinos van ufiertar hasta’l 8 d’avientu un total de 20 menúes basaos nesti productu asturianu. La iniciativa, presentada pol conceyal de Turismu, Alfredo Quintana, escuerre “dinamizar el sector hosteleru, potenciando’l consumu d’una de les nueses señes d’identidá”.

El conceyal de Turismu, Alfredo García Quintana, presentó esta selmana les I Xornaes de Faba IGP que se celebren dende’l llunes na Ruta de los Vinos. Concremente van ser 10 los establecimientos los que van ufiertar, hasta’l próximu 8 d’avientu, un total de 20 menúes, coles mires de “dinamizar el sector hosteleru de la ciudá, potenciando’l consumu d’una de les nueses señes d’identidá”.

Xuntu al conceyal participaron na presentación Begoña López, directora de Agroalimentación y Desenvolvimientu Rural del Gobiernu del Principáu d’Asturies; Juan José Menéndez, presidente del Conseyu Regulador de la Faba Asturiana IGP; Eden Jiménez, voceru de la Ruta de los Vinos d’Uviéu y Javier Nievas, responsable de Mediu Rural de Caxa Rural d’Asturies.

Pela so parte, López aplaudió esti tipu d’iniciatives que dexen “a los consumidores conocer les bondaes del nuesu productu y l’importancia d’adquirir faba asturiana con etiqueta” amenorgando asina’l “intrusismo”. Una idea que tamién sorrayó’l presidente del Conseyu Regulador, qu’espera “que’l restu de conceyos tomen nota pa defender un productu tan nuesu como ye la faba”. Edén Jimenez destacó que pa consiguilo, haber d’apostar pola formación de profesionales y consumidores, una y  bones los hosteleros son “el nexu d’unión ente’l campu y el veceru”.