La recuperación educativa va quedar en manos de los centros

Los centros docentes veníen esixendo «seguridá xurídica» que sofitara les sos decisiones. Y, en principiu, ésta consíguese colos resolvimientos que’l Ministeriu d’Educación va publicando nel BOE y coles instrucciones de la conseyería. Darréu d’ello, la forma de recuperar les asignatures va quedar en manos de los centros.

Acaba facese públicu l’últimu documentu nesti sentíu, recoyendo los alcuerdos pa la titulación y promoción de los alumnos y los equipos direutivos falen de poca concreción en dellos aspeutos. Por casu, la Conseyería d’Educación dexa en manos de los centros los procedimientos y criterios por que el alumnáu pueda recuperar les asignatures pindies y ameyorar les calificaciones que teníen antes de la suspensión de les clases presenciale». Y tamién queda al so criteriu decidir con cuántos suspensos pueden promocionar, por culpa de que se esaniciaron los máximos.

D’otra miente caltiense’l criteriu d’aplicar pa la promoción, pero tamién pa la titulación, la xeneralización salvo esceiciones. Inclusive pa la de segundu de Bachilleratu y esto ye, ensin dulda, una de les cuestiones que más esmolez a los equipos docentes.

Sía como fora, el Principáu d’Asturies acoyóse al alcuerdu que suscribió la mayoría de les comundiades autónomes col Ministeriu d’Educación pa ordenar el final del cursu, que va caltener el calendariu previstu, según los procesos d’evaluación en tolos niveles, dese el segundu ciclu d’Infantil hasta’l Bachilleratu y la FP. Otra de les cuestiones que queda recoyida ye que les programaciones del próximu cursu van incluyir «les enseñances imprescindibles que quedaron pindies». Esto ye, va haber que reorganizar temarios pa recuperar la materia, o siquier parte d’ella, que quedó pindia nesti últimu trimestre.

La conseyería que dirixe Carmen Suárez asegura que’l testu ellaboróse en percanciando la opinión de les direcciones de Primaria y Secundaria, les asociaciones de madres y padres y les organizaciones sindicales. Con toos ellos caltuvieronsediverses xuntes nos últimos díes. Pela so parte, el voceru axuntu de Foru na Xunta Xeneral, Pedro Lleal, criticó ayeri la situación d’esta final de cursu.