Los Telecentros d’Avilés espliquen cómo presentar la Declaración de la Renta

Los Telecentros d’Avilés siguen zarraos de resultes del Estáu d’Alarma decretáu pola crisis sanitaria que tamos careciendo, pero al traviés del so perfil de facebook siguen ufiertando propuestes d’actividaes ya información d’utilidá, ente elles cómo aportar a facer la Declaración de la Renta.

En concretu, como tamos en plena campaña de Declaración de la Renta y como tolos años por estes feches munchos de los avilesinos que s’averaben yera para la so presentación telemática, colgaron na so páxina de facebook vídeos por que puedan realizar el trámite dende les sos cases. En https://www.facebook.com/telecentrosaviles/ colgaron unos videotutoriales para siguir pasu a pasu les instrucciones. Tamién se sopelexar información rellacionada cola seguridá n’Internet para nun ser víctima de bulos y estafes.

Según esplica la conceyala d’Educación, Nuria Delmiro “nunu de los vídeu esplicase pasu a pasu cómo llograr el númberu de referencia de l’Axencia Tributaria p’aportar al Borrador de la Renta. N’otru vídeu esplícase cómo con esti númberu aportar al borrador, según el cambéu y presentación telemática de la mesma”. Tamién s’apurre información sobro calendariu de plazos de presentación. Pol confinamientu nun ye posible l’atención presencial a los usuarios, pero los vídeu tutoriales tán ellaboraos como un manual d’instrucciones virtual pa siguir pasu a pasu’l camín detalláu hasta’l borrador de la declaración y la so posterior tramitación.

“Nel so perfil de facebook los Telecentros d’Avilés tamién apurren información rellacionada col COVID 19, tantu la sanitaria qu’apurren los organismos oficiales, como la rellacionada coles nueves tecnoloxíes y más concretamente la que tien que ver cola seguridá n’internet”, dixo Delmiro, yá que nestos tiempos ye la principal vía de comunicación de la xente que ta confinada nes sos cases teletrabajando, o qu’apuerten a internet pa realizar compres o xestiones bancaries.

Nesti sentíu, recuéyese y sopelexa la información que se xenera dende portales oficiales como la Oficina de Seguridá del Internauta pa nun cayer en fraudes, bulos y estafes. Dende equí tamién se sopelexar la información que los Ministerios vienen xenerando p’aportar a ayudes rellacionaes col confinamientu.

Dende fadebook, Telecentros tamién ufierta recursos d’ociu, como l’accesu a descargues llegales de llibros gratuitos y sopeléxense tolos conteníos de la web del Conceyu d’Avilés.   Amás tán recibiendo consultes de los usuarios por Facebook a les que-yos van dando respuesta. “Ensin dulda ye una apuesta más por tar abargana de nuesa ciudadania”, concluyó Delmiro.