Portada Educación La Politécnica de Xixón propón empecipiar un plan piloto d’universidá dual

La Politécnica de Xixón propón empecipiar un plan piloto d’universidá dual

by redacción asturnews
Universidad Laboral, Gijón: https://en.wikipedia.org/wiki/Universidad_Laboral_de_Gij%C3%B3n#/media/File:Universidad_Laboral_gijon.jpg

La Politécnica de Xixón va proponer empecipiar un plan piloto d’universidá dual sigún asoleyó’l so direutor,  Juan Carlos Campo, esta selmana, como una forma más d’enfrentase a la crisis que’l coronavirus pue trayer a la Universidá en xeneral, y a la d’Uviéu sobremanera.

Pal director del mayor centru universitariu de la rexón, la Escuela Politécnica d’Inxeniería de Xixón, la EPI, esi aldu tien diez direcciones complementaries. A saber: ameyorar la reputación, flexibilización curricular (graos abiertos, por casu), camudar el modelu d’aprendizaxe (#dir escontra’l 4.0, basáu en competencies), sofitu na redolada, aprendizaxe permanente, competencies ‘culturales’, financiamientu de la investigación, estructura de la investigación, crecedera de la tresferencia y la diferenciación. Y ente toes eses posibilidaes ya inclusive necesidaes de cambeos y meyora, Campu faló tamién de la universidá dual, una modelu n’estudiu dende va un tiempu y que al director de la EPI convéncelu y por mor d’ello trata de llevar al mundu universitariu la esperiencia que yá esiste na Formación Profesional.

«Gustaríame que se desenvolviera’l modelu d’universidá dual, tanto, que me gustaría velo en primer llugar na nuesa escuela». Asina lo esplicó mientres la so conferencia telemática ’10 retos pa la Universidá’, ufiertada pola Cámara de Comerciu d’Uviéu y presentada pol director xeneral de Caxa Rural d’Asturies, Antonio Romero. Na mesma, Campu faló d’unu de los males que sufre la Universidá d’Uviéu y ye la crítica constante de la redolada empresarial de la falta de tresferencia de conocencia a les empreses. Por eso, Campu afitó esti oxetivu como xuno de los principales porque, amás, sirviría pa desaniciar los más que previsibles axustes presupuestarios que va sufrir la institución.

Tamién te podria gustar