La OSPA llega a la Casa de Cultura con “Oríxenes III” y empobinada por James Roth

El Ciclu Música n’Escena torna esti xueves 24 de mayu a la Casa de Cultura, con un nuevu recital de la Orquesta Sinfónica del Principáu d’Asturies. Sol paragües del programa “Oríxenes. III”, la OSPA va tar dirixida pol maestru James Roth.

Avilés va convertise de nuevu n’escenariu de música clásica. El Ciclu Música n’Escena torna esti xueves 24 de mayu a la Casa de Cultura, con un nuevu recital de la Orquesta Sinfónica del Principáu d’Asturies. Sol paragües del programa “Oríxenes. III”, la OSPA va tar dirixida pol maestru James Roth, y va cuntar como solista col so principal fagó, Vicent Mascarell. El conciertu va tener llugar mañana xueves a les 20.15 hores.

Va Tener la batuta nes sos manos el prestixosu director convidáu pola orquesta sinfónica asturiana, James Roth, actual director titular de la Nueva Orquesta Nacional Estadounidense nel Carnagie Hall; de la Simfònica del Vallès en Cataluña y profesor de dirección na Juilliard School de Nueva York.

Roth ye titular de la Nueva Orquesta Nacional Estadounidense, de la Sinfónica del Vallès y profesor de dirección na Juilliard School de Nueva York. Vicent Mascarell, principal fagó de la compañía, va ocupar el puestu de solista. Va Interpretar obres de Ligeti, Mozart y Brahms.

El conciertu tamién va cuntar col protagonismu de Vicent Mascarell al fagó. Va Ser l’encargáu de da-y vida al Conciertu para fagó” de Mozart, que forma parte del programa del recital, xuntu col Conciertu rumanu”, de György Ligeti, y la “Serenata nº1 en re mayor” de Johannes Brahms.

Les entraes puen adquirise a un preciu de 18 euros nes taquilles de la Casa Municipal de Cultura y el Centru Niemeyer, según los calces habituales de vienta, nos caxeros Liberbank, al traviés del teléfonu 902 106 601 o vía telemática en https://entraes.liberbank.es/palaciovaldes.

Más información