La música de Bach mercase por trés millones d’euros

Una partitura singular de Johann Sebastian Bach foi vendida esta selmana pasada por 3 millones d’euros a un comprador chinu priváu, según informó la casa de puyes Christie’s en Londres, que tamién remató una chaqueta de cueru y otres pertenencies d’Albert Einstein.

La partitura de Preludiu, Fuga y Allegro BWV 998, obra compuesta por Bach ente 1740 y 1745, provien d’una colección privada anónima, que fuera vendida per últimu vegada en 1969. Un añu antes, la casa de remates Sotheby’s puyar por 6.515 euros. El documentu históricu fuera ufiertáu en Londres por un valor envaloráu d’ente 1,7 y 3 millones d’euros.

La obra escrita pa laúd y clave tien una gran singularidá pola so escritura a mano “elegante y fluyida”, declaró l’espertu Thomas Venning. Bach (1685-1750) compunxo la pieza de dos página xuntu col famosu laudista alemán Silvius Leopold Weiss (1686-1750). La recaldación “va ser apurrida a una institución musical”, indicó Christie’s.

Menos de diez composiciones completes de Bach tán anguaño en manos privaes, ente elles dos obres instrumentales y seis cantates. El laudista suecu Jakob Lindberg, quien interpretó la obra en Londres, calificala como una perlla del repertoriu pa laúd”.