La música con raigaños flamencos y latinos copa’l cartelu de les fiestes de San Mateo

Uviéu va vivir esti añu el so San Mateo más flamencu y latinu. Raphael, Isabel Pantoja, Enrique de Melchor, Chocolate y la Famila Camarón, amás del chill-out de raigaños andaluces de Chambao, el raggaeton cañí de El Arrebato y la rumba carbayona de Melendi, centren la mayor parte d’un cartelu que reserva tamién una “Nueche del folk asturianu” con Llan de Cubel, Los Berrones ya Iñaki Santianes.

La música de sones flamencos y latinos predomina na programación de la SOF pal San Mateo de 2005. Ente los conciertos de baldre de la Plaza la Catedral, el viernes 9 de setiembre ábrense les actuaciones con Bebe y Muchachito Bombo Infierno; el sábadu 10 ye’l turnu de Chambao, los cantantes del concursu Rumbo a la Fama y el Mojo Proyect; el domingo 11 l’escenariu de la Catedral va acoyer la Nueche Latina con Eliades Ochoa, José Luis Cortés y Ráfaga; el martes 13 actúen David de Civera y Manuel Carrasco; Raphael, Juan Coloma y Chocolate tarán el miércoles 14; el sábadu 17 celébrase la Nueche Flamenca con Falete, Pepa Montes y De Buena Rama, familia Camarón;El Arrebato actúa el llunes 19; el miércoles 21, actúen Isabel Pantoja y Enrique de Melchor na Catedral; Melendi canta nes Pistes de San Llázaro el martes 20.

Amás de la música con raigaños flamencos la SOF programa tamién pa les fiestes de San Mateo d’esti añu conciertos con otru tastu:asina el llunes 12 hai una Nueche de Rock con Bunbury, Babylon Chat, Motel Blues y Amon Ra; el xueves 15 el Hip-Hop ye’l protagonista con SDFK, Rapsusklai, Eykeyé! y Hipótesis; el viernes 16 ye la Nueche del Folk Asturianu con Llan de Cubel, Los Berrones ya Iñaqui Santianes; una Nueche de Reaggue va protagonizar finalmente la nueche del martes 20.

Ente los conciertos programaos pal escenariu de les Pistes de San Llázaro el viernes 9 va celebrase una Nueche Tecno con Lego my Ego, Rinoçerose y John Acquaviva, ente otros; esi mesmu día hai tamién una Nueche de Rock Nacional con Def con Dos, La Fuga y Hacia donde; el viernes 16 actúa Manolo García y el sábado 17 David Bustamante; Achtung Babies actúen el llunes 19 y The Offspring el miércoles 21.