La Fundación de Cultura pon a la vienta les entraes pal nuevu ciclu Vetusta & Jazz

La Fundación Municipal de Cultura d’Uviéu vieno acabante poner  a la vienta les entraes pal nuevu ciclu Vetusta & Jazz que va tener llugar ente’l 23 d’abril y el 3 de xunu. Les localidaes yá tán a la vienta na web y en taquilla pa los conciertos qu’en principiu se celebrarán a les 19 hores nel teatru Campoamor, sacante’l primera d’ellos que va tener llugar na Filarmónica.

El nuevu ciclu de Jazz programáu pa esta primavera por Cultura cunta con destacaes figures del panorama jazzístico nacional y componse de cuatro sesiones col siguiente programa:

• Vienres 23 d’Abril: “Jacobo de Miguel Cuartetu”, Teatru Filarmónica 19  hores.
• Vienres 30 d’abril: “Chicuelo & Mezquida”, Teatru Campoamor 19 hores.
• Xueves 27 de mayu: “Chano Domínguez”. Teatru Campoamor 19 hores.
• Xueves 3 de xunu: “Yamandú Mariña”. Teatru Campoamor 19 hores.

El recital que va tener llugar el día 30 d’abril, el de Chicuelo & Mezquida, va coincidir col Día Internacional del Jazz de la UNESCO .

El presidente de la Fundación Municipal de Cultura, José Luis Costillas, destacó la selmana pasada na presentación del ciclu que “Uviéu vuelve tener la oportunidá d’esfrutar del jazz d’alta calidá en directu, tres el ciclu realizáu va unos meses, nun nuevu formatu qu’esperamos sepa quitar la sede la sede de jazz que tienen los melómanos de la nuesa ciudá, que son munchos. Uviéu tien que ser capaz de programar tolos xéneros musicales y ési ye’l nuesu oxetivu esti mandatu, prueba d’ello ye la programación “Uviéu ye Cultura en primavera”, onde hai espaciu pa tolos xéneros artísticos y tolos públicos”, señala Costielles.