La FSA quixo eliminar l’artículu 4 del Estutu d’Autonomía, según el Círculu Lliberal

Según una nota asoleyada na páxina del Círculu Lliberal, organización de calter lliberal cercana al Partíu Popular y presidida por Humberto Gonzali, “mentanto se discutía’l borrador pa la ponencia estatutaria, los representantes socialistes llegaron a proponer la eliminación de tol artículu 4º”, lo que supondría la desapaición de toa mención a la llingua, “nuna estratexa que llevaba a que l’actual propuesta de “patrimoniu llingüísticu” fuera asumida como mal menor”, en pallabres del Círculu Lliberal, que tamién recordó qu’esto foi posible “gracies a la blandura de dos de los tres negociadores populares”.