Portada Conceyos La Factoría Cultural d’Avilés enllarga la so ufierta de vídeos tutoriales d’Arte

La Factoría Cultural d’Avilés enllarga la so ufierta de vídeos tutoriales d’Arte

by redacción asturnews

La Factoría Cultural d’Avilés enllarga la so ufierta de vídeos tutoriales de ‘Arte para’l confinamientu’ hasta’l 1 de mayu. #ConfinArte presenta ocho nueves propuestes a partir del sábadu pa siguir al traviés de les redes sociales, qu’inclúin actividaes de pintura, manualidades, papiroflexa, moldiáu…

Profesoráu y ceadores de distintes disciplines artístiques, venceyaos cola actividá ordinaria de Factoría Cultural d’Avilés, vienen desenvolviendo dende’l pasáu 24 de marzu distintos propuestes al traviés de videotutoriales coles que fomentar la capacidá artística de tola población. L’oxetivu ye solliviar y contribuyir, d’una forma creativa, a faer un pocu más llevaderes les hores de reclusión de neños y mayores de resultes de la declaración del estáu d’alarma pol COVID -19.

Y a la vista del númberu de siguidores y de l’ampliación del confinamientu, la programación estiéndese pel momento hasta’l 1 de mayu con nueves propuestes onde tienen cabida la pintura, les manualidades, la papiroflexa, el moldeaje.

La programación de #ConfinArte vien ufiertándose en díes alternos a partir de les 12 hores, pero los vídeos que se van presentando queden en disponibles nes redes sociales para poder ser visionados en cualquier momentu. Al traviés de les canales de la Factoría Cultural en Facebook y Instagram, https://es-es.facebook.com/factoriacultural.aviles/https://www.instagram.com/factoriaculturalaviles  dirán incorporándose nuevos tutoriales col oxetivu que tolos amantes del arte puedan desenvolver y potenciar les sos capacidaes creatives. Tratar de dir ganándo-y la partida al confinamientu y al empar aprovechar les hores con una serie de videos tutoriales al accesu de tolos públicos para introducise o ameyorar la práctica de distintes artes plástiques.

Nueva programación:

  • Miércoles 22: ‘Creación d’un móvil’, d’Ángel Domínguez Gil. Ellaboración d’un móvil con cartón y otros materiales que toos tenemos encasa.
  • Vienres 24: ‘Decoración cerámica con color bajocubierta’, de Redrueyu Menéndez. Decoración con un color cerámicu bufarra sobro una lloza feldespática de San Cloyo.
  • Domingo 26: ‘Comebolas’, de Natalia Suárez (Woodic) van enseñanos a ellaborar un xuegu comebolas realizáu con una simple caxa de zapatos.
  • Martes 28: ‘Reserva de papel con acrílicu’ de Lola Varela. Exerciciu de reserva de papel con acrílicu va enseñanos les principales técniques pa pintar con acrílicos.
  • Xueves 30: ‘Ellaboración d’un motivu floral’, de Samuel Armes. Ellaboración d’un motivu floral con acuarela
  • Sábado  1: ‘Papiroflexa’ con Pablo Hugo Raspiada. Les técniques pa ellaborar con papel tou tipu de figures

Tamién te podria gustar