La Covid-19 engranda la fienda dixital nos colexos

COn xunu al volver la esquina y l’alumnáu entrugándose entá qué va pasar con esti cursu escolar, cda vegada paez más nidio que nun van volver a les aules, siquier, hasta setiembre. Nuna situación asemeyada a la de los alumnos españoles tán siquier 1.500 millones d’estudiantes en tol mundu que nun pueden aportar a clases presenciales, según la UNESCO.

Amás, 63 millones de docentes d’enseñanza primaria y secundaria vense afectaos pol trestornu ensin precedentes causáu pola pandemia de la COVID-19, que traxo’l zarru de les escueles en 191 países. Y un parón na educación que punxo de manifiestu la fienda dixital esistente en tol planeta, una y bones la metá de los alumnos, más de 820 millones, nun tienen accesu a un ordenador en casa. Amás, cuatro de cada diez estudiantes nun tienen Internet nes sos cases, según los datos recoyíos pol Equipu de Trabayu sobro Docentes, xuna alianza internacional coordinada pola UNESCO. «Estes desigualdaes constitúin xuna verdadera amenaza pa la continuidá del aprendizaxe nun momentu en que se produz un trestornu educativu ensin precedentes», apunta Stefania Giannini, Subdireutora Xeneral d’Educación de la UNESCO.

N’España’l 91% de la población tien accesu a internet y, si cunten les families con neños, el porcentaxe xube al 97%, según datos del INE de 2019. Una fienda dixital que se fai amplia nes zones rurales de país onde la conexón ye insuficiente. «Magar tienen de multiplicase los esfuerzos p’apurrir conectividad a toos, agora sabemos que la continuidá de la enseñanza y l’aprendizaxe nun puede llindase a los medios en llínea», detalla Audrey Azoulay, Directora Xeneral de la UNESCO. L‘abilsu de la fienda atopase n’África, especialmente na zona subsahariana onde’l 89% de los alumnos nun tienen accesu a ordenadores d’usu domésticu y el 82% escarecen d’accesu a Internet.

El problema non solo ta nos alumnos, si non que tamién hai que mirar a les ferramientes disponibles pa los maestros que tamién riquen formación pa impartir conducentemente la educación a distancia y en llínea. En toa l’África Subsahariana, solo’l 64% de los maestros d’enseñanza primaria y el 50% de los d’enseñanza secundaria recibieron xuna formación mínima, que con frecuencia nun inclúi competencies en materia de TIC.