La Corredoria acueye’l Festival Morgana Fest

El festival Morgana Fest, entamáu pola conceyalía de Participación Ciudadana, va tener llugar esti sábadu, día 14, a partir de les 20 hores, na plaza del Conceyín.

La conceyala de Participación Ciudadana, Andrea Álvarez, presidenta del Distritu urabano III, presentó esta selmana, en rueda de prensa, el Festival Morgana Fest, que va tener llugar el próximu día 14, sábadu, na Plaza del Conceyín. La conceyala tuvo acompañada pol organizador del eventu, Fredi Torres y José García, de La Corredoria Suena, que va celebrar l’aniversariu del programa ‘Morgana’ col mentáu ciclu.

Andrea Álvarez calificó l’alcuentru como “un festival gratuitu de heavy rock” y destacó qu’unu de los oxetivos ye “siguir revitalizando La Corredoria”. Nel Morgana Fest van participar cinco grupos: “DonNadie, Manifiestu, Westhia, Crudu y Skuld”, “referentes del heavy y el rock urbanu”.