La Fundación de Servicios Sociales de Xixón algama’l Premiu a la Innovación en Servicios Sociales

La Fundación Grupu Ineprodes, de Córdoba, otorgó esti martes a la Rede d’Inclusión Activa, que lidera la Fundación Municipal de Servicios Sociales de Xixión, el PREMIU A LA INNOVACIÓN EN SERVICIOS SOCIALES.

Tratase de la VI edición d’unos premios que tienen como oxetivu promover y reconocer el llabor social desenvueltu por instituciones, entidaes, empreses, profesionales y medios de comunicación. Con una convocatoria añal, dende l’añu 2012, y ámbitu d’aplicación en tol territoriu del Estáu, estos Premios respuenden a la necesidá de convertise nun elementu d’espardimientu de les meyores práctiques nos ámbitos del Trabayu Social, los Servicios Sociales, la Iniciativa Social, los Medios de Comunicación y la Responsabilidá Social Corporativa.

Otorguen premios en nueve categoríes, dando a Xixón el Premiu a la Innovación en Servicios Sociales, que s’otorga a aquelles persones físiques o xurídiques, públiques o privaes, que desenvolvieren acciones, proyectos o programes innovadores nel ámbitu de los Servicios Sociales.

El xuráu qu’otorga los premios ta compuestu polos miembros del Patronatu de la Fundación Grupu Ineprodes. Tuvieron en cuenta l’adecuación del proyectu a los oxetivos de los premios, la trayectoria, exemplaridá y proyección social, aplicabilidad y xeneralización, innovación, calidá y compromisu social y solidaridá.