La compañía d’Etelvino Vázquez lleva a Lope de Rueda a los escenarios xixoneses

Etelvino Vázquez y la so compañía “Teatro del Norte” remociquen esti vienres la obra de Lope de Rueda col montaxe “Hestories de Martín de Villalba”. Nesta ocasión suben al escenariu del Centru Cultural Cajastur Colexata San Xuan Bautista de Xixón a les 20:00 hores.

David González, Juan Blanco, Cristina Lorenzo ya’l propiu Etelvino Vázquez van interpretar estos cuatro pasos: “Les aceitunes”, “Cornudu y contentu”, “La tierra de Jauja” y “La carátula” onde la sátira y los diálogos ocurrentes son el denominador común. Esta nun ye la primer obra clásica que pon n’escena la compañía d’Etelvino Vázquez, que ya probaron delles vegaes con “Aventures y desventures de Lázaro de Tormes” ya’l “El vieyu celosu”.