Hipnótica Circu Teatru presentó les meyores de la obra “Minerva, Oh Diosa”

En rematando’l primer períodu de Residencia de Producción Artística na Factoría Cultural d’Avilés la compañía asturiana Hipnótica Circu Teatru vieno acabante presentar les meyores de la obra “Minerva, Oh Diosa”.

La compañía asturiana Hipnótica Circu Teatru remata’l primer períodu de Residencia de Producción Artística na Factoría Cultural d’Avilés amosando énte un públicu amenorgáu les meyores de “Minerva, Oh Diosa”, la obra na que ta trabayando.

La producción utiliza l’humor y el circu pa tratar el drama de los ñácaros robaos nes dictadures, cuntáu al traviés de los mitos de la diosa Minerva. Al actu van allegar como públicu persones rellacionaes col mundu del teatru

L’eventu tuvo llugar esti vienres a les 11.30 hores na Factoría Cultural y enllargose mientres una hora. Cuntó cola asistencia de persones rellacionaes col mundu del teatru que, dempués de la representación, participaron nun alderique coles mires de valorar el procesu creativu que llevó a cabu Hipnótica Circu Teatru nos 3 meses de residencia.

La pieza trata’l drama de los ñácaros robaos nes dictadures cuntáu al traviés de los mitos de la diosa Minerva. Pa encetar esta traxedia, la compañía utiliza les técniques del clown, convirtiendo asina al humor nun aliáu p’afondar nel dolor.

L’equipu artísticu internacional que participa nesta obra ta compuestu por distintos profesionales de les artes escéniques y artes plástiques, ente quien destaquen:

Piero Partigianoni. Ye’l director de la obra. Llicenciáu na Academia Internacional de Teatru de Roma y especializáu en clown. Fundador de Immaginario Teatru y director artísticu de “El Pebidal”, Escuela Internacional de Clown en Granada.

Minerva Álvarez Barragán. Artista de circu y fundadora de la compañía Hipnótica Circu Teatru, especializada en reivindicar temes sociales y medioambientales al traviés del arte.

Cristian Palaciu. Trabaya como artista de circu y clown n’Europa y Llatinu América.

Pedro Acevedo. Espertu en crear ambientes sonoros pa cine y teatru. En “Minerva, oh Diosa” ye l’encargáu de diseñar la música.

Hipnótica Circu Teatru ye una compañía nueva creada en 2016 pola artista de circu Minerva Álvarez Barragán. Tres 5 años formándose en distintes disciplines artístiques, como clown, mimu y bufón, y n’actuando en compañíes d’Europa y Llatinoamérica tornó a España pa compartir lo aprendío.

La compañía caracterizase por cuntar hestories rellacionaes con problemátiques sociales y medioambientales al traviés del humor y el circu. El deséu d’Hipnótica Circu Teatru ye cuntar hestories que faigan rir y de la mesma provoquen xuna tresformamientu col fin de consiguir una sociedá más igualitaria y harmónica.