La CometCon torna a Uviéu en marzu

La CometCon d’Uviéeu, “unu de los finxos añales na ciudá” que, amás d’atraer a miles de persones, “crea marca de ciudá” , según el conceyal de Turismu, Rubén Rosón, va desenvolvese los díes 5 y 6 de marzu cola previsión d’algamar los 20 mil visitantes, Palaciu d’Esposiciones y Congresos Ciudad d’Uviéu.

Héctor Lasheras, presidente de l’asociación organizadora del eventu, La Exa Asturies,  resaltó na presentación la selmana pasada que les  anteriores ediciones  consiguieron poner a Uviéu “nel mapa del ociu alternativu” a nivel internacional.  Concretamente, el congresu de 2015 atraxo a la ciudá a 14 mil persones. Anguaño, cola previsión d’algamar los 20 mil visitantes, la cita treslladóse al Palaciu d’Esposiciones y Congresos Ciudad d’Uviéu.

CometCon16  va ufiertar los díes 5 y 6 de marzu, con entrada gratuita, más  de 100 actividaes d’ociu alternativu. Nel programa tol mundu va atopar el so hobby representáu”, prometió la coordinadora del congresu, Claudia Dafonseca, yá que va haber buecu pa la ilustración, los videoxuegos, el cosplay, los  cómic y el baille. Aficiones, de les que podrá esfrutase en forma de concursos, talleres, proyecciones, conciertos, torneos, firma de llibros, meses redondes y actividaes  pa neños. Amás van participar una decena d’invitaos de calter internacional, como’l francés Pierre Alexander (Papa Cosplay), ganador del últimu concursu de cosplay de Los Ánxeles o los youtuber Loulogia y Terafobia, ente otros.

Lasheras quixo resaltar la política de “beneficiu cero” cola que s’entamó nuevamente esta edición. Estimó especialmente’l llabor de los voluntarios que, col so trabayu, dexen la celebración d’esti eventu.