La batalla contra la semipresencialidá aporta al Parlamentu Européu

La plataforma Asturies por una educación presencial, segura, calidable y ensin discriminación yá tien previstos los siguientes pasos dempués de que la Comisión de Derechos Fundamentales de la Xunta Xeneral refugara los sos pidimientos, incluyendo dir al Defensor del Pueblu y recurrir al Parlamentu Européu y, si fuera necesario, a los tribunales.

Va unos díes presentose yá quexa énte’l Defensor del Pueblu. 24 asociaciones de madres y padres de centros de toa Asturies y otres dolce families a nivel personal d’otros tantos centros sumáronse a un escritu que denuncia la violación del derechu a la educación y del principiu d’igualdá» pa los 20.926 alumnos que, calcúlase, tienen modalidá semipresencial esti cursu en terceru y cuartu d’ESO, primero de Bachilleratu y FP, tantu de la rede pública como de l’alcordada.

La plataforma responsabiliza de la situación a la Conseyería d’Educación que “amosó la so falta d’interés en buscar soluciones por que la docencia presencial sía compatible cola protección de la salú” y llamenten que nun se buscaren espacios pa poder llevar a cabu la enseñanza presencial, cola contratación del personal docente necesariu. Tampoco, aseguren, suministróse a los centros educativos «material informático por que la semipresencialidad dexara siquier xuna docencia telemática». Plantegen que podría habese programáu xuna «xornada vespertina» nos casos nos que fuera necesariu. Y critiquen que cuando finalmente llegó a los centros el material informático «nun s’expedió instrucción dalguna respectu de la obligatoriedá del so usu, de forma que’l profesoráu mayoritariamente nun ta emplegándolo». Eses son les condiciones, aseguren, nes que más de 20.000 alumnos tán pasando esti cursu, ente qu’otres comunidaes, dicen, volvieron a la presencialidad.

Por tollo, nun se van quedar nel Defensor del Pueblu, sinón que van recurrir al Parlamentu Européu y, si fuera necesariu, a los tribunales, por que se cumpla’l derechu fundamental a la educación en sistema de presencialidad total de tolos menores asturianos.