L.luarca celebró les sos Xornaes sobro Traducción

La que fuera la casa natal de Fernán Coronas, agora La Casina de la traducción, desenvolvió’l na fin de selmana qu’entamaba esti vienres 17 d’avientu la so actividá albergando les primeres Xornaes sobre Traducción Asturiana.

Trátase d’un eventu lliterariu qu’impulsa la Conseyería de Cultura, Política Llingüística y Turismu al traviés de la Dirección Xeneral de Política Llingüística y que se desenvolvió nel equipamientu d’estrena asitiáu en Cadavéu (Valdés) los díes 17, 18 y 19 d’avientu.

Pa les trés xornaes preparóse un programa formativu y de debate bien intensu onde participaren una decena d’espertos en llingua asturiana, baxo la coordinación de Rafael Rodríguez Valdés. El personal que participó provenía del ámbitu filolóxicu, pero también de la traducción, la interpretación o de la docencia, como ye’l casu de Cristina Valdés, Marta Mori d’Arriba, Aida Celemín, Aymara González, Víctor Suárez, Miguel Sánchez, Xesús González, Daniel Menéndez, Eloy Antuña o Ramón d’Andrés. Tamién participó personal adscritu a la Dirección Xeneral de Política Llingüística como Xosé Miguel Suárez y Laura Marcos.