L’Academia entama esti añu un cursu bi-añal pa especialistes en Filoloxía Asturiana

Dientro de les novedaes presentaes esti añu pola Academia de la Llingua Asturiana pa los sos Cursos de Branu ta un cursu empobináu a especialistes universitarios en Filoloxía Asturiana y llicenciaos en Filoloxía Española y Románica con un enclín de preparación investigadora, tituláu “Filoloxía Asturiana (1)”.

El cursu, asemeyáu a los cursos de doctoráu, tien calter bi-añal y va constar de cuatro estayes, impartíes básicamente por profesores universitarios: “Comentariu de testos medievales”, “Comentariu de testos modernos y contemporáneos”, “Léxicu asturianu: procesu evolutivu y llingua actual” ya “Introducción a la encuesta llingüística y toponímica”.