‘Jupiter’s Moon’ algama’l premiu a la meyor película nel Festival de Sitges 2017

Jupiter’s Moon, dirixida por Kornél Mundrizczó, alzóse col premiu a la meyor película na 50 edición del Festival de Sitges de 2017. Nel so palmarés, el xuráu oficial del festival, que votó por unanimidá a la película ganadora, reconoció que camudaron les sos preferencies nel últimu momentu, ya que la película foi de les postreres proyectaes.

La trama de la premiada película trata sobre un refuxáu siriu que, dempués de recibir dellos tiros, empieza a levitar y a realizar “milagros”. “Gustónos la narración visual d’hestoria, tan delicada, y sobremanera, la valentía de cuntar una tema social dende’l xéneru fantásticu”, comentó Sherman. El director, pela so parte, esplicó en conociendo’l premiu que la so película ye un amiestu, una y bones “los xéneros puros” quédense-y “vacíos”.

El filme húngaru trata sobre los refuxaos sirios que traten de pasar a Hungría dende Serbia. El protagonista ye un mozu siriu, Aryan, que ye tirotiáu al intentar cruciar illegalmente la frontera. La ferida de bala otorgar el poder de levitar. Cola ayuda del doctor Stern, llogra escapar del campu de refuxaos. A partir d’entós va empezar la persecución per parte de Laszlo, el director del campu.