Juan del Encina protagoniza’l conciertu d’Ars Atlántica “Cantar y tañer con gran plazer”

Esti sábadu, a les 20 hores, el Centru de Cultura Antiguu Institutu abelluga un conciertu puramente dedicáu al poeta y compositor Juan del Encina, unu de los autores más personales y más representativos de la renacencia española, de quien en 2018 celebráronse los 550 años de la so nacencia, probablemente na ciudá de Salamanca.

La obra de del Encina circula ente los ambientes cortesanos más esquisitos, pero entiende tamién pieces de perclara inspiración popular. Esta dicotomía quixímos afigurala nel usu de dos preseos d’ambientes nobles, como la espineta o clavisímbalum y l’arpa, en contraposición al panderu cuadráu Peñaparda, perantiguu preséu de percusión netamente salmantino.
Utilizamos nueves trescripciones realizaes por Manuel Vilas según les fontes orixinales, na so mayoría estrayíes de los llamaos “Cancioneru de Palaciu” y “Cancioneru de Segovia”, cola parte vocal interpretada por voces masculines. Esta propuesta foi un estrenu n’esclusiva pa la celebración del Octavu Centenariu de la Universidá de Salamanca.

El 3 de xunetu’l ensemble Ars Atlántica dirixíu por Manuel Vilas va homenaxar al gran músicu y poeta Juan del Encina nun programa que va presentar xuna visión interpretativa basada na nueva trescripción musical realizada por Vilas según los manuscritos orixinales y l’aplicación práctica de datos históricos de la dómina.

Esta actividá va ser retresmitida n’abiertu al traviés de la canal de YouTube del Taller de Músico Xixón-Xixón

Centru de Cultura Antiguu Institutu

Cuando: 3 de xunetu de 2021 a les 20:00

Más información