Joyce DiDonato fai hestoria n’Uviéu

Cásique tolos medios especializaos coinciden en calificr de velada musical hestórica n’Uviéu la qu’ufría Joyce DiDonato. Había grandes mires col conciertu de la mezzosoprano estadounidense nel ciclu “Conciertos del Auditoriu” d’Uviéu y cumpliéronse dafechu.

El programa escoyíu pola cantante nun pudo tener meyor empiezu pa metese a los asistentes nel bolsu: la formosa y conmovedora cantata “Arianna a Naxos”, de Haydn. DiDonato demostró en demasía l’amplia esperiencia qu’atesora  a la d’interpretar a les heroínes barroques.  Na segunda parte llegaron dos aries d’ópera barroca. “Piangeró la sorte mia” de Händel foi bien emocionante con una proyección vocal qu’impresiona. De Hasse interpretó “Morte col fieru aspetto” (“Marco Antonio y Cleopatra”), un aria bien complicada con munches axilidaes y cambéu de rexistros que resolvió de forma brillosa. DiDonato apurrió cuatro bises al públicu, sumándose a Terry nel pianu en “Startdust pianu duet” de Hoagy Carmichael.