Jean Daniel, Régis Debray y Mario Soares participen nun debate organizáu pola Fundación Príncipe d’Asturies

El fundador del diariu Le Nouvel Observateur Jean Daniel va participar xunto al filósofu francés Règis Debray y l’ex presidente portugués Mario Soares nun debate organizáu pola FPA en conmemoranza del so XXV aniversariu. L’actu va celebrase esti xueves 10 nel Teatru Palacio Valdés d’Avilés y nel van participar tamién Luc Montagnier y Jerónimo López.

Los participantes nel debate d’Avilés tienen en común amás de la so proyección internacional l’haber sío premiaos pola Fundación Príncipe d’Asturies con dalgún de los sos galardones. L’ex ministru d’Educación Gustavo Suárez Pertierra va ser l’encargáu de moderar l’alderique, el primeru d’un ciclu organizáu pola fundación asturiana pa xuntar de nuevu nel Principáu a dellos de los premiaos polos galardones que concede añalmente la institución.