Portada Emigración El CA de Madrid da-y la Mazana d’Oru a Urbano Arregui

El CA de Madrid da-y la Mazana d’Oru a Urbano Arregui

by asturnet

El prósimu xueves día 10 de payares, a les 20 hores, nel Salón Príncipe d’Asturies del Centru Asturianu de Madrid que preside Cosme Sordo, l’inxenieru asturianu Urbano Arregui va recibir, de manes del so Presidente la Mazana d’Oru, másimu galardón que concede la entidá.

Urbano Arregui nació en La Pola Siero. Amás de la so trayectoria profesional nel Ministeriu de Fomentu, onde ocupó ente otros el cargu de Subdirector Xeneral d’Obres Hidráuliques (del MOPU) y Presidente de la Confederación Hidrográfica del Norte, tien fecho un inxente llabor en favor de la música, con grandes méritos nel campu de l’Actividá Coral del Principáu, como primer Presidente y fundador de la Federación Coral Asturiana. Forma parte como Asesor de la Comisión de Galardones del Centru Asturianu de Madrid del que ye sociu dende va munchu tiempu.

Ente los numberosísimos galardones que tien recibío podemos destacar la Medaya d’Oru d’Uviéu y la de Torrevieja, amás del Urogallu Especial con mención honorífica que-y concedió la entidá astur-madrileña.

Emigrastur

Tamién te podria gustar