IV Alcuentros de Músiques Asturianes Grupu El Koku La Mazana

Acoyeralos el  CMI El Llanu de Xixón, esti martes 10 de noviembre a les 19.30 hores, amosando’l trabayu musical con sones populares, tradicionales y modernos.

Estos músicos, maestros en distintes escueles de música tradicional lleven una llarga trayectoria en bandes y grupos, y cunten con numberoses distinciones en diversos concursos (Ciudá d’Uviéu, Concursu de pareyes de Xixón, Troféu Remis Ovalle, Troféu Mc Callen ente otros). Con una formación instrumental constituyida principalmente por gaites, tambor, bombu y curdión diatónicu, basen el so repertoriu en sones populares, tradicionales y modernos, entemeciéndolos tamién melodíes ayenes a la tradición, con un tonu risonderu y folixeru.

Los músicos que participen nesti conciertu de los Alcuentros son Ricardo Moreno (tambor ), Juanjo Díaz ( percusión ), J Carlos Varla (percusión), Lueje (So eléctricu), Pablo Rubio Iván Ronday y Jorge López (gaites), David Varela (Acordión)