Hevia protagoniza la Gran Velada d’Asturies en Lorient

EL gaiteru asturianu de fama mundial coles sos 2,5 millones de discos vendíos, José Angel Hevia, va ser el protagonista cimeru de la Gran Velada d’Asturies que va tener llugar en  L’Amphi, l’escenariu cimeru del Festival Intercélticu de Lorient, esti xueves 11 d’agostu.

Hevia revolucionó’l folk cola gaita electrónica. Habitual del festival  yá actuó una docena de vegaes nos escenarios de Lorient para prestu del públicu, presentando en 2017 el so discu d’homenaxe a los indianos, momentu que recueye la semeya qu’acompaña esta información.

Esti branu, nos alboreceres del 25 aniversariu del so míticu discu “Tierra de Naide”, Hevia vuelve a Lorient col so grupu habitual pa esta edición de la FIL centrada n’Asturies. Mientres esti conciertu va interpretar les pieces que la popularizaron y que güei formen parte del repertoriu folclóricu internacional.

ACTUACIÓN

Gran Velada d’Asturies
El 11/08/2022 a les 21:30 (L’Amphi)